ఎద ఎదకు ఎన్నెన్నో కథలు
ప్రతికథకు మరెన్నో వ్యధలు
కథ మార్చేదెవరు వ్యధ తీర్చేదెవరు?
రాయి తగిలితే నొప్పిరానిదెవ్వరికి
గుండె పగిలితే కన్నీరు పొంగనిదెందరికి
జీవితమన్నాక కష్టం రాకుండాఉంటుందా
ఓ సుఖం వచ్చి ఆ కష్టాన్ని కష్టపెట్టకపోతుందా
ఏదైనా మనసులోంచే కదా రావాలి !
మనిషి మనిషికి తేడా ఉన్నట్లే
అనుభవంలోను ఆ స్వాదనలోను
మరి తేడాలంటూ ఉండవా?.....
అభిరుచి ఉండాలే కాని
ఆకాశం నేల వాలదా ?
కొమ్మన పూలన్నీ ఆహ్వానం పలకవా!
ఒక్కసారి మనసు లోతుల్లోకి తొంగిచూడు
ఎన్నెన్నో ఆశలు, ఆశయాలు, అనుభవాలు, ఆహ్వానాలు...
నీకేం తక్కువ? నువ్వు అందరికన్నా ఎక్కువే .....
No comments:
Post a Comment