జీవితంలో ఒక తోడు
నీ పరిచయం .....
నాకొక నీడ
మరువలేని తీపి జ్ఞాపకం
నువ్వు అందని
ఆకాశానివని అయినా
అలుపెరగని అలను
నేనవుతున్నా!
వలచి గెలిచి మనసు నిండి
కలలు పండిన జంట
ఉంటుందా యిలలో
కులము మతము
ధనము బలము
అదుమునా తుదిలో
మనసుల సయ్యాట
నిను చేరనీయక
విధి అడ్డగిస్తే
నీ జ్ఞాపకాలను
కదిలిస్తున్నా !
నీ ఊహల చంద్రోదయంతో
విరిసే తలపుల కలువలను
ఎంత సేపని చూడను ?
ఇలలో పరిచయాలు మాని
కలలో నీతో కలియబడుతున్నా !
నువ్వే కొలువు దీరిన మనోగుడిలో
పరవశించి పాడుతున్నా
నువ్వు తలపుకొచ్చిన ప్రతిసారీ
మళ్ళీ మళ్ళీ తలచుకుంటున్నా
విరహాన్ని భరించే ఏది ?
నీ పేరే పలవరిస్తూ
నా ఆణువణువూ పొదిగిస్తూ ..
No comments:
Post a Comment