ప్రజాస్వామ్యంలోనే ఉన్నామా !
ప్రతిసారీ ఓట్లేస్తున్నాం
మనం ఓడి ఎవరినో గెలిపిస్తున్నాం
మరి ఎక్కడైనా చోటున్నదా ?
రాజ్యంలో స్థానమున్నదా?
ఎన్నాళ్ళీ నిర్లిప్తత?
ఎన్నాళ్ళీ అనైక్యత?
ఎన్నాళ్ళీ ఆకలి మంటలు !
ఎన్నాళ్ళు అప్పుల బతుకులు ?
ఉన్నోడికేనా అన్నీను !
లేనోడికెక్కడ
చోటు మిగిలేను ?
శ్రమజీవులారా!
పనిమంతులారా !
శిల్పులారా!
వాస్తు శిల్పులారా!
కార్మికులారా !
కర్షకులారా !
గుడిసె వాసులారా !
గుడి బిక్షకుల్లారా
కళ్ళు తెరవండి
ప్రపంచం రంగస్థలం అందరిదీ
ప్రతివాడికీ ఒక పాత్ర ఉంటుంది
నవ సమాజ నిర్మాణంలో మనం
నడుము బిగించి నడవాలి
సంకుచిత భావాలను దునుమాడ
మనం సమర్మోనుఖులం కావాలి
-------------------------------------------------------
No comments:
Post a Comment